Atyraý - Oral tasjolynda adam ólimine soqtyrǵan jol apaty oryn aldy
ASTANA. QazAqparat - Atyraý-Oral tasjoly boıynda adam ólimine soqtyrǵan jol apaty boldy, dep habarlaıdy QazAqparat tilshisi.
Atyraý oblystyq polıtsııa departamentiniń baspasóz qyzmetinen túsken málimetke qaraǵanda, oqıǵa búgin tańerteń bolǵan. Qos jeńil avtokólik túıisken. Saldarynan 32 jastaǵy júrgizýshi kóz jumǵan.
Aldyn ala málimetke qaraǵanda, bes adam túrli jaraqatpen aýrýhanaǵa jetkizilgen.
Oqıǵaǵa kýá bolǵan turǵyndar jol apatynyń Atyraý oblysyna qarasty Almaly aýyly tusynda bolǵanyn aıtady. Avtokólikte bolǵan 2001 jylǵy qyzdyń jaǵdaıy aýyr. Oǵan ota jasaý úshin ata-anasy izdestirilip jatyr.
Qazirgi kezde oqıǵanyń jaı-japsary anyqtalý ústinde.
