Atyraý óńirindegi 89 eski munaı uńǵymasynan maı aǵyp, ekologııany búldirýde - Noǵaev
«Buryn ıgerilgen, eski munaı ken oryndarynda Energetıka mınıstrligine 89 uńǵyma tirkelgen. Olar apatty jaǵdaıda keı jerlerde sol uǵymalardan maı aǵyp, jerdi, sýdy búldirip, ekologııalyq zardap ákelip jatyr. Munymen qosa, Atyraý oblysynda 180 gıdrogeologııalyq uńǵyma tirkelgen. Olardan da sý atqylap, qazirgi tańda baqylaýsyz jatyr. Sizdiń atyńyzǵa men osy aqparattardy jazyp, qoldaýyńyzdy suraǵan edim. Tıisti memlekettik organdarǵa tapsyrma berýińizdi suraımyn», - dedi óńir basshysy Úkimet basshysy Baqytjan Saǵyntaevqa qarata.
Sonymen qatar Atyraý oblysynyń ákimi bul óte qaýipti jaǵdaı ekendigin, qazir shara qoldanbasaq, sońynan kesh bolýy múmkindigin eskertti.
«Kóterilip otyrǵan másele óte oryndy. Energetıka mınıstrligi Investıtsııalar jáne damý mınıstrligimen birlesip, qaraýlaryńyzdy suraımyn»,- dedi Premer-Mınıstr.
