Atyraý oblysynyń Janbaı aýylynda sport kesheni ashyldy
Janbaı aýyly – Isataı aýdanyndaǵy iri eldi mekenniń biri. «Jalyndy Qurylys» JShS qurylysyn júrgizgen nysannyń aýlasynda arnaıy alań bar.
«Elimizdi álemge tanytyp júrgen chempıondarymyz aýyldyq eldi mekenderden kóptep shyǵyp jatyr. Janbaı aýylynan da bolashaqta álem, olımpıada chempıondary shyǵady degen senimdemiz. Sol sebepten, aýyl sportyn damytý úshin osyndaı qoldaý sharalary jalǵasa beredi», - dedi oblys ákiminiń orynbasary Narıman Taýshov.
Eki qabatty sport kesheni qajetti qural-jabdyqtarmen tolyq qamtamasyz etilgen. Munda bir mezgilde 300-ge jýyq jasóspirim boks, voleıbol, basketbol, karate, taekvando, qazaq kúresi syndy sport túrlerimen shuǵyldana alady. Sondaı-aq, oılaý qabiletin damytatyn toǵyzqumalaq oıyny úshin de jaǵdaı jasalǵan.
Eske sala ketelik, budan buryn Isataı aýdanynda Táýelsizdik monýmenti ashylǵanyn habarlaǵan edik.
