Atyraý oblysynyń turǵynynan jarty tonnadan astam bekire tárkilendi
ATYRAÝ. QazAqparat – Atyraý oblysynyń turǵynynan jarty tonnadan astam bekire tárkilendi, dep habarlaıdy QazAqparat.
Oblystyq Polıtsııa departamenti baspasóz qyzmetiniń málimetinshe, Qulsary qalasynyń 31
jastaǵy turǵyny 576 keli bekire tuqymdas balyǵyn zańsyz saqtaǵan.
«Polıtsııa departamentiniń Krımınaldy polıtsııa basqarmasyna 23 maýsymda Jylyoı
aýdanynyń ortalyǵy – Qulsary qalasynda turatyn 31 jastaǵy azamattyń bekire tuqymdas balyqtaryn úıine zańsyz saqtap, satyp júrgeni týraly aqparat tústi.
Polıtseıler jedel is-shara júrgizip, turǵynnyń mekenjaıyna tintý júrgizildi.
Nátıjesinde kúdiktiniń úıiniń aýlasynda ornalasqan saraıdaǵy tońazytqyshtan jalpy salmaǵy 576 kelini quraǵan 169 dana bekire tuqymdas balyq tabyldy», - dedi oblystyq Polıtsııa departamentiniń bastyǵy, polıtsııa polkovnıgi Qamza Úmbetqalıev.
Qazir atalǵan derekke qatysty Jylyoı aýdandyq polıtsııa bólimi QR Qylmystyq Kodeksiniń 339-babynyń 1-bóligimen sotqa deıingi tergeýdi bastady.
Eske sala ketelik, buǵan deıin Atyraýda Kaspıı jaǵalaýynan brakonerlerdiń «qonysy» tabylǵany habarlanǵan bolatyn.
