Atyraý oblysynyń turǵyny plastık ydysta esirtki ósirgen
Oblystyq polıtsııa departamenti baspasóz qyzmetiniń málimetine súıensek, bul derek Maqat aýdanynda anyqtalǵan.
«Maqat aýdandyq polıtsııa bóliminiń qyzmetkerleri 17 qarashada «Ýchaske» jedel-profılaktıkalyq is-sharasy kezinde quramynda esirtki zattary bar ósirýge tyıym salynǵan ósimdikterdi turǵylyqty meken-jaıynda zańsyz ósirgen 39 jastaǵy turǵyndy anyqtady. Maqat aýdanynda turatyn kúdikti úıinde plastık ydysta esirtki ósimdigin ósirip kelgen» -dep málim etti departamenttiń baspasóz qyzmetinen.
Quramynda esirtkisi bar ósimdikterdi saqtaý jáne zańsyz ósirý deregimen ustalǵan kúdiktige qatysty QR Qylmystyq kodeksiniń 300-babynyń 1-bólimimen sotqa deıingi tergeý bastaldy.
Eske sala ketelik, buǵan deıin Atyraý oblysynda qarasora ósiretin plantatsııa joıylǵanyn habarlaǵan edik.