Atyraý oblysynyń turǵyny ıen dalada eki kún boıy adasyp júrgen
ASTANA. QazAqparat - Atyraý oblysynyń turǵyny ıen dalada eki kún boıy adasyp júrgen. Joǵalǵan er adamdy izdestirý jumystaryna tikushaq jumyldyryldy, dep habarlaıdy «MG»-ǵa silteme jasaǵan «QazAqparat» HAA.
Atyraý oblystyq TJD baspasóz qyzmetiniń málimdemesi boıynsha, 22 qańtar kúni saǵat shamamen 14:00-de 50 jastaǵy aýyl turǵyny «ÝAZ» kóligimen malǵa shyǵyp, sodan úıine oralmaǵan.
«Alaıda týystary er adamnyń joǵalǵany týraly TJD kezekshi qyzmetine tek 23 qańtar kúni saǵat 21:17-de habarlaǵan. Іzdeý jumystary sol kúni keshke bastaldy, biraq kún batyp, qatty burqasyn bolýy saldarynan toqtatylǵan», - dep baıandady TJD baspasóz qyzmetinen.
24 qańtar kúni saǵat 9:00-de izdeý jumystary qaıta bastaldy. Oǵan TJD-niń bes qutqarýshysy, bir arnaıy tehnıka, Inder AІІB-niń tórt polıtsııa qyzmetkeri, bortynda ekıpajdyń tórt múshesi jáne TJK-niń «Batys aımaqtyq aeromobıldi qutqarý jasaǵynyń» eki qyzmetkeri bolǵan «Qazáýequtqarý» AQ-nyń «MI-8MTV UP-MI844» tikushaǵy jumyldyryldy.
Joǵalǵan er adam saǵat 15.36-da Jarsýat aýylynan 70 shaqyrym jerde tabyldy. Onyń jaǵdaıy qalypty dep baǵalandy, medıtsınalyq kómekke muqtaj bolǵan joq», - dep naqtylady TJD baspasóz qyzmetinen.
