Atyraý oblysynyń turǵyny 32 jyl boıy qujatsyz júrgen
53 jastaǵy áıel 1987 jyly Reseı Federatsııasynyń azamatyna turmysqa shyǵyp, keıin belgili bir sebeptermen ajyrasyp, Qazaqstanǵa qaıtyp oralǵan. Alaıda elge kelgennen keıin qujattaryn joǵaltyp alyp, uzaq ýaqyt boıyna densaýlyǵyna baılanysty qaıta jasatýǵa múmkindigi bolmaǵan.
Jylyoı aýdany polıtsııa bóliminiń qyzmetkerleri aýdandyq erikti jastarmen birlesip azamatshanyń qujatyn jasaýǵa kómektesti. Buǵan qosa, áıeldiń 21 jastaǵy ulynda da týý týraly kýáliginen basqa qujaty bolmaǵan. Atyraý oblysy Polıtsııa departamenti Kóshi-qon qyzmeti basqarmasynyń qyzmetkerleri jigitke jeke tólqujatyn jasap berdi.
«Tártip saqshylaryna osyndaı jaýapty jumysqa atsalysyp, 32 jyldan keıin ózime jáne 21 jastaǵy ulyma tólqujat jasap bergeni úshin rızamyn. Osy jańa tólqujatymnyń arqasynda qazirgi tańda aýdanda jumysqa ornalastym. Atyraý oblysy Polıtsııa departamenti Kóshi-qon qyzmeti basqarmasynyń qyzmetkerlerine alǵysym sheksiz», – dedi jylyoılyq turǵyn.