Atyraý oblysynyń turǵyny 1 kelige jýyq esirtkimen ustaldy
Oblystyq polıtsııa departamentiniń baspasóz qyzmetinen málim etkendeı, 18 qarasha kúni Qurmanǵazy aýdandyq polıtsııa bóliminiń qyzmetkerleri iri kólemde esirtki saqtaý deregin anyqtaǵan.
«Qurmanǵazy aýdanynyń 46 jastaǵy turǵyny óziniń úıinde esirtki shóbin keptirip, zańsyz saqtaǵan. Kúdiktiniń turǵylyqty meken-jaıyn tekserý kezinde 1 kelige jýyq marıhýanna, arnaıy kesilip daıyndalǵan ydys tárkilendi. Kúdikti óz kinásin tolyq moıyndady» -dep habarlady departamenttiń baspasóz qyzmeti.
Atalǵan derekke qatysty QR Qylmystyq kodeksiniń 296-babynyń 3-bóligimen (Іri mólsherde esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý) sotqa deıingi tergeý bastaldy.
Eske sala ketelik, buǵan deıin Atyraý oblysynyń turǵyny esirtkini plastık ydysta ósirgenin jazǵan edik.
