Atyraý oblysynyń turǵyndarynan Call ortalyqqa 300 myńnan astam qońyraý túsken

ATYRAÝ. QazAqparat – Atyraý oblysynyń turǵyndarynan tótenshe jaǵdaı engizilgeli beri Call-ortalyqqa 300 myńnan astam qońyraý túsken, dep habarlaıdy QazAqparat.

Óńirlik kommýnıkatsııalar qyzmetiniń málimetine súıensek, Atyraý oblysy ákimi apparatynyń 109 Call-ortalyǵynda 32 operator jumys isteıdi.

«Atyraý oblysynyń turǵyndarynan Call-ortalyqqa komendanttyq saǵatqa baılanysty shekteýler, erejeler, blok-posttan ótý sharttary týraly saýaldar qoıylǵan. Sondaı-aq, áleýmettik mańyzy bar nysandardyń, memlekettik organdar men kommýnaldyq mekemelerdiń jumys kestesi, áýe jáne temirjol baǵyttary, azyq-túlik, janar-jaǵar maı baǵasy, ınternet jelisine qatysty máseleler qamtylǵan», -dep málim etti óńirlik kommýnıkatsııalar qyzmetinen.

Eske sala ketelik, budan buryn Atyraý oblysy turǵyndarynyń alańdaýyna esh negiz joq

ekenin habarlaǵan edik.