Atyraý oblysynyń turǵyndary Prezıdent Ákimshiligine 173 ótinish joldaǵan

ATYRAÝ. QazAqparat – Atyraý oblysynan bıylǵy 9 aıda QR Prezıdent Ákimshiligine 173 ótinish túsken. Bul týraly Atyraý oblysynyń ákimi Mahambet Dosmuhambetovtiń tóraǵalyǵymen azamattardyń ótinishterin qaraý tártibi boıynsha atqarylǵan jumystar talqylanǵan otyrysta belgili boldy, dep habarlaıdy QazAqparat.

Oblys ákimi apparaty ótinishterdi qaraýdy baqylaý bóliminiń basshysy Jandos Bólekbaevtyń málimetinshe, bıylǵy 9 aıda jergilikti atqarýshy organdarǵa 27 165 ótinish joldanǵan. Onyń ishinde jeke tulǵalardan – 22 449, zańdy tulǵalardan – 4 716 ótinish.

«Sondaı-aq, «e-Ótinish» aqparattyq júıesi iske qosylǵaly 7 218 ótinish óńdelip, 6 254 hatqa jaýap berildi. Osy kezeńde oblys turǵyndarynan Prezıdent Ákimshiligine 173, Premer-Mınıstrdiń Keńsesine 45 ótinish túsken. Bul ótinishter oblys ákimdigine qaraýǵa joldanyp, jan-jaqty zerdelendi. Ótinish ıelerine tıisti jaýap berildi», - deıdi Jandos Bólekbaev.

Oblys ákimi Mahambet Dosmuhambetov Atyraý qalasy men aýdandardyń ákimderinen, basqarma basshylarynan azamattardyń hatyn sapaly qarap ári merziminde jaýap berýdi talap etti.

«Azamattardyń ótinishterin, aryz-shaǵymynda kótergen máselesin qaraýda jaýapkershilik pen tártipti kúsheıtý kerek. Ár turǵynǵa sapaly ári ýaqytynda jaýap berýdi qamtamasyz etý qajet», - dedi Mahambet Dosmuhambetov.

Eske sala ketelik, budan buryn Atyraý oblysynyń turǵyndary memorgandarǵa qandaı máselemen júginetini habarlanǵan edik.