Atyraý oblysynyń turǵyndary memorgandarǵa qandaı máselemen jıi júginedi

ATYRAÝ. Nur-Sultan - Atyraý oblysynda 2020 jyly jergilikti atqarýshy organdarǵa 6354 jazbasha ótinish kelip túsken, onyń 4944-i jeke tulǵalardan, 1410-y zańdy tulǵalardan bolǵan. Bul 2019 jyldyń sáıkes kezeńimen salystyrǵanda 3% az (6547), dep habarlaıdy QazAqparat tilshisi.

«Jergilikti atqarýshy organdarǵa kelip túsken ótinishterdi taldaý aımaq turǵyndaryn qyzyqtyratyn ózekti máseleler men suraqtardy bólip kórsetýge múmkindik beredi. Jer ýchaskelerin berý jáne jer daýy boıynsha 462, áleýmettik sala boıynsha (negizinen turǵyn úı berý, járdemaqy tóleý, materıaldyq kómek kórsetý, problemaly nesıelerdi qaıta qarjylandyrý, jumyspen qamtý, bilim berý, densaýlyq saqtaý) 318 problemalyq máseleler turǵyn úı-kommýnaldyq sharýashylyq, sýmen jabdyqtaýǵa qatysty 169 ótinish kelip túsken. Sondaı-aq, karantındik rejım jaǵdaıynda Atyraý oblysyna kirýge jáne shyǵýǵa ruqsat alý máseleleri bar.

Kelip túsken barlyq ótinishtiń 560-y oń sheshimin tapty. Onyń ishinde jer máseleleri boıynsha – 145, jumyspen qamtý jáne áleýmettik kómek máseleleri boıynsha – 137, turǵyn úı-kommýnaldyq sharýashylyǵy boıynsha – 12, koronavırýsqa qarsy is-sharalar boıynsha - 23, azamattyq hal aktilerin tirkeý, densaýlyq saqtaý boıynsha – 26, aýyl sharýashylyǵy boıynsha – 7, bilim boıynsha – 20, qurylys salasy boıynsha – 25, eńbek qatynastary boıynsha – 72, basqa máseleler boıynsha – 14 ótinish bar. Qoldanystaǵy zańnama sheńberinde 5 794 ótinishke túsinikteme berildi» dep habarlanǵan oblys ákimdiginiń baspasóz qyzmetinde.

Sondaı-aq, oblystyń barlyq deńgeıindegi ákimderdiń 398 azamatty jeke máseleleri boıynsha qabyldaǵany, nátıjesinde 68 adamnyń máseleleri oń sheshimin tapqany, 330 adamǵa zańnama sheńberinde túsiniktemeler berilgendigi týraly habarlandy.