Atyraý oblysynyń turǵyndary Astana ataýynyń aýystyrylýyn qoldaıdy
Qazaqstan Prezıdenti Qasym-Jomart Toqaev astanany Qazaqstannyń Tuńǵysh Prezıdenti Nursultan Nazarbaevtyń qurmetine ataýdy usynǵan bolatyn.
Atyraý oblysyndaǵy «Dáýlet Nan», «Amangeldi», «Caspiy Lana», «Alıans Stroı», AMÓZ , «Embimunaıgaz», «Jigermunaıservıs», «Atyraýneftemash», "Isker", "AtyraýInjStroı" mekemeleriniń eńbek ujymdary jáne jastar men úkimettik emes uıymdar Elbasynyń atyna hat joldady. Hatta Ult Kóshbasshysyn qoldaıtyndary, astana ataýyn ózgertý Nursultan Nazarbaevtyń Qazaqstan halqy aldyndaǵy eleýli eńbegimen baılanysty ekeni aıtylǵan. Astana ataýyn ózgertýdi talap etip, jalpy alǵanda 7093 qol qoıyldy.
«Elbasynyń halyqaralyq arenadaǵy bedeli joǵary ekeni anyq. Bizdiń elimizdi álem tanydy. Qazaqstannyń usynystarymen sanasady. Bul Nursultan Nazarbaevtyń úlken eńbegi. Qazaqstannyń órkendeý kezeńi, álemde abyroıly bolýy N.Nazarbaevtyń esimimen baılanysty. Jańa táýelsiz memleket qalyptasýynyń bastaýynda Nazarbaev turdy. Elbasymyzdyń arqasynda Qazaqstanda strategııalyq jáne saıası seriktester kóp», - dep jazylǵan «Caspiy Lana» JShS qyzmetkerleriniń hatynda.
«Elordanyń Astanaǵa aýysýy Nursultan Nazarbaevtyń eńbegi. Qıyn kezeńde batyl, kóregen sheshim qabyldady. Búginde astanamyz ádemi qalalardyń biri. Tarıhı mańyzdy oqıǵalar osynda ótedi. Elbasy astanaǵa atyn berýge laıyqty dep sanaımyz. Siz bizge qurmet kórsetip, óndirisimizge keldińiz, jumys jaǵdaıymen tanysyp, ónimderimizge baǵa berdińiz. Biz sizdi árqashan qoldaımyz, Nursultan Ábishuly!» - dep atap kórsetilgen «Dáýlet Nan» JShS eńbek ujymy joldaǵan hatta.
«Álemde mundaı tájirıbe bar. El úshin ólsheýsiz eńbek sińirgen, tarıhta qalǵan tulǵalarǵa qurmet retinde aty beriledi. Eń belgili mysal - Vashıngton. AQSh-tyń halyq saılaǵan alǵashqy prezıdenti. Onyń esimimen el astanasy atalady. Bizdiń táýelsiz Qazaqstan jáne 1991 jyldan keıin ómirge kelgen bizdiń býyn osyǵan laıyqpyz dep esepteımiz. Biz astana ataýynyń aýystyrylýyn qoldaımyz», - dep jazylǵan óńirdegi stýdentter ujymdarynyń úndeýinde.
