Atyraý oblysynyń trassasynda 2 adam mert bolyp, úsheýi aýrýhanaǵa tústi
Atyraý oblystyq Polıtsııa departamenti baspasóz qyzmetiniń málimetinshe, jol-kólik oqıǵasy keshe, 21 tamyz kúni saǵat 19:30 shamasynda bolǵan.
«Jol apaty Aqtóbe – Atyraý –Astrahan (Reseı Federatsııasy) baǵytyndaǵy respýblıkalyq tasjolda tirkeldi. Atalǵan joldyń 635-shaqyrymy tusynda Toyota Prada jáne Lada Granta avtokólikteri soqtyǵysty. Saldarynan Lada Granta avtokóligindegi 2 jolaýshy oqıǵa ornynda mert boldy. Al Lada Granta júrgizýshisi men Toyota Prada kóliginiń 2 jolaýshysy oblystyq aýrýhanaǵa jetkizildi», - dep habarlady departamenttiń baspasóz qyzmetinen.
Qazir polıtsııa qyzmetkerleri jol-kólik oqıǵasyna baılanysty tergeý amaldaryn júrgizýdi bastady.
Eske sala ketelik, buǵan deıin Atyraý oblysynda keıingi eki aıda 4 jol apatynan 20 adam mert bolǵanyn jazǵan edik. Qaıǵyly jaǵdaılar óńirdiń respýblıkalyq joldarynda bolǵan.
Jol-kólik oqıǵalarynyń basty sebebi – júrgizýshilerdiń jolda júrý erejesin saqtamaýy, qarsy baǵytqa shyǵýy, jyldamdyqty asyrýy.
