Atyraý oblysynyń temirjolshylary jalǵan dıplom paıdalanǵan
ATYRAÝ. QazAqparat - Atyraýdyń kólik prokýratýrasy temirjol salasy jumysshylarynyń jalǵan dıplom paıdalanýynyń 18 faktisin anyqtady, dep habarlaıdy QR Bas prokýratýrasynyń resmı saıty.
Baspasóz málimetterine qaraǵanda, temirjol salasynyń birqatar qyzmetkerleri jumysqa ornalasý jáne qyzmetten aýysý kezinde Tynyshpaev atyndaǵy Qazaq kólik jáne kommýnıkatsııa akademııasyn bitirgeni týraly jalǵan qujattardy paıdalanǵan.
Olardyń arasynda tasymaldaý protsesin uıymdastyrýǵa jáne temirjol kóliginde qozǵalys qaýipsizdigin qamtamasyz etýge jaýapty bólim basshylary da bar.
Keıbireýleri temirjol lokomotıvin basqarǵan, jelini jóndegen, kúrdeli jóndeýden ótken jyljymaly quramdardy qabyldap otyrǵan.
«Jalǵan dıplom paıdalanǵan tulǵalardyń qyzmetteri tómendetilip, ózge jumystarǵa aýystyryldy»,-delingen Bas prokýratýranyń habarlamasynda.
Osyǵan deıin Qostanaı turǵynynyń jalǵan dıplomdy paıdalanyp ákim bolýǵa umtylǵandyǵy týraly jazǵanbyz.
