Atyraý oblysynyń sottarynda bir jylda 11 myńnan astam ákimshilik is qaraldy

ATYRAÝ. QazAqparat – Atyraý oblysynyń sottarynda bir jylda 11 myńnan astam ákimshilik is qaraldy, dep habarlaıdy QazAqparat.

Oblystyq sottyń baspasóz qyzmetinen málim etkendeı, ákimshilik quqyq buzýshylyq jasaǵan 11 842 adam isti bolǵan.

«Byltyr sottarda 696 (54%) ákimshilik isti qaraý kezinde medıatsııa tártibi qoldanyldy. «Túngi sotta» 896 is qaraldy. Al, 1 406 adamǵa qatysty 1 112 qylmystyq is qaralyp, 1 077 tulǵaǵa qatysty 877 is úkim shyǵarýmen aıaqtaldy. Sot úkimimen 21 adam aqtalyp, 1 056 adam sottaldy. Onyń ishinde 400 adam bas bostandyǵynan aıyryldy», -dep habarlady oblystyq sottyń baspasóz qyzmeti.

Sondaı-aq, 11 182 azamattyq is qaralyp, onyń ishinde 6 187 is boıynsha sheshim shyǵarylǵan. Tatýlastyrý tártibimen 1 770 is aıaqtalǵan.

Eske sala keteli, budan buryn Atyraýda oblys ákimi orynbasarynyń jemqorlyq isi sotta qaralyp jatqanyn jazǵan bolatynbyz.