Atyraý oblysynyń shalǵaı aýyldaryna gazetterdi drondar jetkizedi
ATYRAÝ. QazAqparat - Atyraý oblysynyń shalǵaı aýyldaryna gazetterdi drondar jetkizetin boldy, dep habarlaıdy QazAqparat tilshisi.
«Qazirgi tańda drondardy, ıaǵnı ushqyshsyz ushatyn apparattardy Atyraý oblysynyń birqatar aýdandaryna gazet, jýrnal jetkizý úshin paıdalaný múmkindikteri qarastyrylýda. Biz atalǵan ushqysh apparattardyń alǵashqy nusqalaryn aldyq. Qys túsisimen biz drondardy Qyzylqoǵa aýdanynda paıdalanýdy jón kórip otyrmyz. Óıtkeni atalmysh aımaqta aýdan ortalyǵy men keıbir aýyldyq okrýgterdiń arasy 100 km-den asady. Drondardyń kómegimen aýyl turǵyndary jazdyryp alǵan gazetter men jýrnaldar tıisti jerine jetkizildi. Eger drondardy paıdalaný bastamasy bizdiń úmitimizdi aqtaıtyn bolsa, bul tájirıbeni biz ózge aýdandarda da qoldanatyn bolamyz»-dedi «Qazposhta» AQ-nyń Atyraý oblystyq fılıalynyń dırektory Baýyrjan Ótepbaev.
Aıta keteıik, drondardy alǵash bolyp «Qazposhta» aktsıonerlik qoǵamynyń Qaraǵandy oblysy boıynsha ókildiginiń qyzmetkerleri paıdalana bastaǵan bolatyn.
