Atyraý oblysynyń Reseımen shekarasynda qyzǵylt tústi lotos gúldedi
Atyraý oblysynyń Reseı Federatsııasyndaǵy Astrahan óńirimen shekarasyn bólip jatqan Qıǵash ózeni Qurmanǵazy aýdanynyń aýmaǵynda ornalasqan. Ózen saǵasynda lotos gúldeıtin aýmaq bar.
Qıǵash ózenine «Aqtóbe-Atyraý-Reseı shekarasy» baǵytyndaǵy jolmen ǵana jetýge bolady. Araqashyqtyq – 300 shaqyrymǵa jýyq.
«Ózen saǵasyndaǵy lotos ósken alqapqa qaıyqsyz jetý múmkin emes. Gúldiń hosh ıisi murnyńdy jarady. Sý betinde gúldep turǵan lotostyń ádemiligin tek kózben kórý kerek», -deıdi sırek kezdesetin gúl alqabyna barǵan Samat Amanáliuly.
Qıǵash ózeniniń saǵasynda ǵana gúldeıtin lotostyń túsi – qyzǵylt. Lotos gúli batpaqty, sýly jerde ósedi. Lotos shamamen 5 myń gektarǵa jýyq aýmaqqa ósken.
Sý ortasynda ósetin lotos tańerteń qaýyzyn ashyp, keshke qaıta jabady. Tańerteń sý betinde qaýyzyn ashqanda qurǵaq bolyp turady.
Bul gúldi úndister men vetnamdyqtar tazalyqtyń sımvoly retinde baǵalaıdy. Tipti onyń emdik qasıeti bar esepteledi. Tuqymyndaǵy aqýyz búırek pen kókbaýyr, júrek aýrýy men uıqysyzdyqty emdeýge qoldanylady.
Alaıda, lotos gúlin julýǵa bolmaıdy. Óıtkeni, bul gúl elimizdegi sırek kezdesetin ósimdikterdiń tizimine engizilgen.
Eske sala ketelik, buǵan deıin atyraýlyq turǵyn Jaıyq ózeninen alyp jaıyn ustaǵanyn jazǵan bolatynbyz.
