Atyraý oblysynyń Reseımen shekaradaǵy aýdanynda snarıadtyń qaldyǵy tabyldy
ATYRAÝ. QazAqparat – Atyraý oblysynyń Reseımen shekaradaǵy Qurmanǵazy aýdanynda snarıadtyń qaldyǵy tabyldy, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń málimetinshe, 21 tamyzda saǵat 12:45-te snarıad tabylǵan.
«Qurmanǵazy aýdanyndaǵy «Sazdy» shekara zastavasynan 103 shaqyrym qashyqta zymyrandyq qozǵaltqyshy bar avıatsııalyq snarıadtyń bólikteri tabyldy. Arnaıy mamandar Reseı Federatsııasynyń «Kapýstın ıAR», «Akshýlýk» synaq polıgondaryna irgeles aýmaqtaǵy oqıǵa ornynda tekserý júrgizdi. Qazir avıatsııalyq snarıadtyń bólikteri tabylǵan aýmaqta kúzet kúsheıtildi. Bógde adamdardyń jaqyndaýyna tyıym salyndy. Zardap shekkender joq» dep habarlady departamenttiń baspasóz qyzmeti.
