Atyraý oblysynyń prokýrory shekarashylarǵa shabýyl jasaý isin óz baqylaýyna aldy
ATYRAÝ. QazAqparat - Atyraý oblysynyń prokýrory Ernat Sabanqulov shekarashylarǵa shabýyl jasaý týraly istiń tergeýin óz baqylaýyna aldy, dep habarlaıdy «QazAqparat» HAA tilshisi.
«Atalmysh fakti boıynsha Isataı aýdandyq polıtsııasynyń bólimshesi QR QK 293-baby «buzaqylyq jasaý» boıynsha sotqa deıingi tergeý jumystaryn bastady. Bolǵan oqıǵanyń mán-jaıy anyqtalýda, sot-medıtsınalyq saraptama taǵaıyndaldy. Tergeý barysyn prokýror óz baqylaýyna aldy. Qazirgi tańda Isataı aýdany Janbaı aýylyndaǵy jaǵdaı birqalypty», - dep habarlady oblystyq prokýratýranyń baspasóz qyzmeti.
Eske salaıyq, 18 qyrkúıek kúni saǵat 18:30-da Janbaı aýylynyń turǵyndary men №2016 áskerı bóliminiń áskerı qyzmetshileri arasynda janjal bolady. Oqıǵa shekara zastavasyna jaqyn jerde jaýyngerlik daıyndyq boıynsha komandırdiń orynbasary bastaǵan áskerı jedel qyzmet toby sporttyq júgirýden qaıtyp kele jatqanda bolǵan. Olardy eki jeńil kólik qýyp jetip, janjal bastaǵan. Sarbaz mashınadan qashyp úlgergen, alaıda ekeýi jeńil dene jaraqatyn alǵan. Shabýyl jasaýshylarmen kelissózderdi ofıtser júrgizgen. Ofıtser olardyń nazaryn alańdatyp, sarbazdardy zastavaǵa deıin jetkizgen. Sodan keıin buzaqylar oǵan tura umtylyp, ony urmaqshy bolǵan. Ofıtser eskertý maqsatynda úsh ret aýaǵa atqan, eshkim zardap shekken joq.
