Atyraý oblysynyń orman qory jerlerine 7 mıllıon kóshet egiledi - Dosmuhambetov
NUR-SULTAN. QazAqparat – Atyraý qalasy aýmaǵynan 94 zańsyz qoqys orny anyqtaldy. Bul týraly Ortalyq kommýnıkatsııalar qyzmetindegi brıfıng barysynda Atyraý oblysynyń ákimi Mahambet Dosmuhambetov aıtty, dep habarlaıdy QazAqparat tilshisi.
«Óńirimiz úshin ózekti máseleniń biri - ekologııalyq ahýal ekeni ózderińizge de málim. Jyl basynan beri ǵaryshtyq monıtorıngileý arqyly Atyraý qalasy aýmaǵynan 94 zańsyz qoqys orny anyqtaldy. Olardyń 39-y tazalandy, 42-sinde tazalaý jumystary júrgizilýde, al qalǵan 13 qoqys ornynyń ıeleri anyqtalýda. 2020 jyly Atyraý qalasynda 484 tirkelmegen qoqys oryndary anyqtalyp, barlyǵy joıylǵan bolatyn», - dedi Mahambet Dosmuhambetov.
Sonymen qatar oblys basshysy Prezıdenttiń 2025 jylǵa deıin orman alqabynda jappaı tal egý men eldi mekenderdi kógaldandyrýdy tapsyrmasy boıynsha aýqymdy jumystar bastalǵanyn aıtty.
«Bıyl 700 myńǵa jýyq ekpe, 50 myńǵa jýyq kóshetter otyrǵyzyldy. Aldaǵy bes jylda oblystyń orman qory jerlerine 7 mıllıon kóshet, al eldi mekenderge – 540 myń tal otyrǵyzý qarastyrylǵan. Óńirdegi «Teńizshevroıl», NCOC, AMÓZ jáne «Embimunaıgaz» syndy iri munaı-gaz kásiporyndarymen de kógaldandyrý jumystaryna qatysty memorandým jasaldy. Olar osy kúzde jumystaryn bastaıdy», - dedi ol.
