Atyraý oblysynyń ónerkásip salasynda 28 myń adam jumys isteıdi

ATYRAÝ. QazAqparat –Atyraý oblysynyń ónerkásip salasynda 28 myńnan astam adam jumys isteıdi, dep habarlaıdy QazAqparat tilshisi.

Atyraý oblysy ákimdiginiń málimetine súıensek, sońǵy bes jylda óńirdiń ónerkásibi qarqyndy damyp keledi. Máselen, bıylǵy qańtarda ónerkásip salasyndaǵy kásiporyndar 661,5 mıllıardqa jýyq teńgeniń ónimin óndirdi. Munyń ishinde taý-ken óndirisinde óndirilgen ónimniń quny 601,9 mıllıard teńgeni qurady. Sondaı-aq, 51,5 mıllıard teńgeniń ónimi óńdeý salasyna tıesili bolyp otyr.

Munaıly óńir ónerkásibinde tirkelgen 737 kásiporynda 28 myńnan astam adam jumysqa tartylǵan.