Atyraý oblysynyń memınspektorlary qyzmetkerlerge quqyqtaryn túsindirdi

ATYRAÝ. QazAqparat- Atyraý oblysynda «Reform stroı» JShS-niń 176 qyzmetkeri kelisimshart merzimi aıaqtalǵasyn jumyssyz qaldy,dep habarlaıdy QazAqparat tilshisi.

Atyraý oblysy memlekettik eńbek ınspektsııasy basqarmasynyń basshysy Igilik Áýbákirov habardar qylǵandaı, bul jerde eńbek zańnamasyn buzýshylyq bolǵan joq.​ ​ ​
«Reform stroı» JShS-i kelisimshart boıynsha «SSER»kompanııasy úshin montajdaý jumystaryn atqarǵan bolatyn. Kelisimshart 2018 jyldyń naýryz aıynan bastap jasalǵan. Jumystardyń belgili bir túrleri aıaqtalǵan soń, jasalǵan eńbek kelisimsharttary toqtatylady. Kompanııanyń qyzmetkerleri bizge kelip, olarǵa túsinik berildi«, - dedi Igilik Áýbákirov.​ ​ ​ ​

QR Eńbek kodeksiniń 30 jáne 51 baptaryna sáıkes, jumystardyń aıaqtalý datasy eńbek kelisimshartynyń bitý merzimi bolyp tabylady. Al, kelisimsharttyń ózi belgili bir jumystardyń oryndalý merzimine jasalady. «Reform stroı» JShS osylaı jasaǵan. Barlyq jumystar sáýir aıynyń basynda aıaqtalǵanyna qaramastan, qyzmetkerler maýsym aıynda jalaqylaryn aldy. Budan bólek, shildede jumystar júrgizilmegenine qaramastan, qyzmetkerlerge osy aıǵa jalaqy 100 paıyz tólenedi, sondaı-aq 2019 jyldyń tamyz aıynyń 4 kúni úshin jalaqy beriledi.
«Aıta keteıin, bul jerde eshqandaı eńbek zańnamasyn buzýshylyq bolǵan joq. Bul naryqtyq qatynastar. Eshkim eshkimdi qysqartyp nemese jumystan shyǵarǵan joq. Jumys oryndalǵan soń eńbek kelisimshartynyń qoldanysy aıaqtalady» ​ ​ - dep atap ótti Igilik Áýbákirov.