Atyraý oblysynyń mektepterine 738 353 jańa oqýlyq jetkizildi
ATYRAÝ. QazAqparat –Atyraý oblysynyń mektepterine 738 353 jańa oqýlyq jetkizildi. Bul týraly oblystyq bilim berý basqarmasynyń basshysy Satqan Esenǵalıev málim etti, dep habarlaıdy QazAqparat.
Basqarma basshysynyń málimetinshe, bıyl óńir mektepteriniń oqýshylary oqýlyqtarmen tolyǵymen qamtamasyz etilgen. Qazir jańa oqýlyqtardy mektepterge taratý jalǵasyp jatyr.
«Bıyl jańa oqýlyqtar satyp alý úshin 19 baspamen 110 kelisimshart jasalǵan edi. Kelisimshartqa sáıkes baspalardan 738 353 dana oqýlyq satyp alyndy. Jańa bastalǵan oqý jylynda atyraýlyq oqýshylar kitaptan esh tarshylyq kórmeıdi», - dedi basqarma basshysy Satqan Esenǵalıev.
Eske sala ketelik, budan buryn Atyraýda mektepterdi oqýlyqtarmen qamtýǵa 1 mlrd 257 mln teńge bólingen edi.
