Atyraý oblysynyń mektep túlekterine 1 500 nysanaly grant bólindi

ATYRAÝ. QazAqparat – Atyraý oblysynyń mektep túlekterine 1 500 nysanaly grant bólindi, dep habarlaıdy QazAqparat tilshisi.

Ulttyq testileý ortalyǵynyń dırektory Rýslan Emelbaevtyń málimetinshe, Atyraý oblysynyń mektep bitirgen túlekteri úshin grant birneshe mamandyqty qamtıdy.

Bul – tek Atyraý oblysynyń túlekterine bólingen grant. Máselen, pedagogıka salasy úshin 283, jaratylystaný, matematıka jáne statıstıka baǵytyna – 49, aqparattyq-kommýnıkatsııalyq tehnologııalar mamandyǵyna – 561, ınjenerlik, óńdeý jáne qurylys ındýstrııasyna – 607 grant bólindi. Nysanaly grant konkýrsyna qatysatyn úmitkerler jalpy grant konkýrsyna da qujat tapsyra alady. Biraq, nysanaly grant arqyly talapker tórt qalany jáne sol qaladaǵy barlyq joǵary oqý oryndaryn belgileýge múmkindigi bar

, - dedi Rýslan Emelbaev.

Aıtýynsha, nysanaly grantty «Serpin» baǵdarlamasymen shatastyrmaý qajet.

Osyǵan baılanysty aıtarym, nysanaly grantpen oqý bitirgenderge sol óńirde qalý nemese mamandyq boıynsha úsh jyl jumys isteý sharty qoıylmaıdy. Qazir talapkerlerdiń basym bóligi aqparattyq-kommýnıkatsııalyq tehnologııalar men pedagogıka salasyndaǵy mamandyqty tańdap jatyr. Qujat tapsyrý kezinde birqatar jeńildik te qarastyrylǵan. Granttyń 5 paıyzy kóp balaly, áleýmettik turmysy tómen, asyraýshysynan aırylǵan sanatqa jatatyndarǵa bólinip oty

r, - dedi ol.

Bıyl Atyraý oblysynda 11-synypty 6 300-ge jýyq oqýshy bitirgen. Onyń ishinde 5 myńnan astam túlek UBT-ǵa qatysyp, 80 paıyzy shekti balldy jınaǵan.

Eske sala ketelik, budan buryn Atyraý oblysynda mektep bitiretin 167 túlek «Altyn belgige» úmitker bolǵanyn jazǵan edik.