Atyraý oblysynyń Qurmanǵazy aýdanynda eki aýyl áli jaryqsyz otyr
ATYRAÝ. QazAqparat – Atyraý oblysynyń Qurmanǵazy aýdanynda eki aýyl áli jaryqsyz otyr, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń aqparatyna qaraǵanda, Qurmanǵazy aýdanynda 5 naýryzda ekpini sekýndyna 22-23 metrge jetken qatty jel soqqan. Sol kúni elektr energııasynyń jelisinde aqaý shyǵyp, saǵat 3:10-nan bastap 38 myńnan astam abonent jaryqsyz qalǵan.
Al, 6 naýryzda 10 aýyldyń turǵyndary jaryqsyz otyrdy. Keshe, 7 naýryzda 8 aýylǵa jaryq qosylǵan joq.
Qurmanǵazy aýdanynda tok kózinen 10 890 abonent ajyratylǵan. Onyń ishinde 7 650 abonent elektr qýatyna qosyldy.
«Qazaqtelekom» AQ-nyń 27 stantsııasynyń 19-ynda baılanys ornatyldy. Aýdanda qatty jelden sóngen elektr energııasyn qaıta qalpyna keltirý jumystary jalǵasyp jatyr. Ony atqarýǵa «Atyraý-Jaryq» AQ-nyń 8 brıgadasy, 56 jumysshysy men 20 tehnıkasy, sondaı-aq, «Qazaqstan Temirjoly» AQ-nyń elektrmen qamtý bóliminen 1 brıgada (15 adam, 6 tehnıka) jumyldyrylǵan. Qazir Birlik pen Kóptogaı aýyldarynda jóndeý jumystary júrip jatyr. Jergilikti aýyldyq okrýgterdiń ákimderi turǵyndardy jóndeý jumystarynan turaqty habardar etip, ahýaldy baqylaýda ustap otyr», -dep habarlady óńirlik kommýnıkatsııalar qyzmeti.
