Atyraý oblysynyń Qurmanǵazy aýdanynda 400-ge jýyq elektr baǵanasy qulaǵan
ATYRAÝ. QazAqparat – Atyraý oblysynyń Qurmanǵazy aýdanynda 400-ge jýyq elektr baǵanasy qulaǵan, dep habarlaıdy QazAqparat.
Qurmanǵazy aýdanynda 5 naýryzdan beri elektr energııasyndaǵy aqaý áli tolyq qalpyna keltirilgen joq.
«Jóndeý jumystaryn júrgizýdiń nátıjesinde Qurmanǵazy aýdanynyń ortalyǵyndaǵy shaǵyn aýdandarǵa elektr energııasyn kezeń-kezeńmen berý iske asyryldy. Qazir Qurmanǵazy, Baıda, Orly, Shortanbaı, Dyńǵyzyl, Qıǵash, Súıindik, Asan, Azǵyr, Nurjaý, Jańatalap, Teńiz, Kýdrıashov, Eńbekshi, Maqash, Safon, Aqkól okrýgterine tok kózi berildi. Al, Kóptoǵaı okrýginde quramynda 6 adam, 4 tehnıka bar 1 brıgada, Birlik aýyldyq okrýginde 3 brıgadanyń quramynda 14 adam men 3 tehnıka elektr energııasyn, keıbir eldi mekenderde elektr jáne baılanys jelilerin qalpyna keltirý jumystaryn jalǵastyryp jatyr. «Qazaqtelekom» AQ-nyń 27 stansasynyń 20-synda baılanys ornatyldy», -dep habarlady aýdyndyq ákimdik taratqan aqparatta.
Qurmanǵazy aýdanynda elektr jelilerin qalpyna keltirý jumystaryna «Atyraý-Jaryq» AQ-nyń 8 brıgadasy (56 adam, 20 tehnıka) jáne «Qazaqstan temirjoly» AQ elektrmen qamtý bóliminiń 1 brıgadasy (15 adam, 6 tehnıka) jumyldyrylyp otyr.
«Tabıǵı apattyń saldarynan bir 22 metrlik 35 kVT, alty 22 metrlik 10 kVT, 400-ge jýyq 11 metrlik 10 kVT elektr baǵanasy qulaǵan. Osyǵan baılanystty medıtsına mekemeleri men ózge de áleýmettik mańyzy bar nysandarda ýaqytsha dızel generatory iske qosylǵan», -dep habarlady óńirlik kommýnıkatsııalar qyzmeti.
Eske sala ketelik, budan buryn Atyraý oblysynyń Qurmanǵazy aýdanynda eki aýyl áli jaryqsyz otyrǵanyn jazǵan edik.
