Atyraý oblysynyń kásipkerleri maska tigip, tegin taratýda
ATYRAÝ. QazAqparat –Atyraý oblysynyń kásipkerleri maska tigip, tegin taratýda. Bul týraly búgin Óńirlik kommýnıkatsııalar qyzmetinde ótken brıfıngte aıtyldy, dep habarlaıdy QazAqparat.
«Jastar resýrstyq» ortalyǵynda «Biz birgemiz!» shtaby quryldy. Maqsat –tótenshe jaǵdaıǵa baılanysty kómekke muqtaj jandarǵa qyzmet kórsetý. Atyraýdaǵy 1800-den asa volonterdiń 120-dan astamy atalǵan shtabqa tirkeldi», - dedi «Jastar resýrstyq» ortalyǵynyń basshysy Serik Qadyrov.
Onyń aıtýynsha, byltyr «Jas project» jobasymen qarjylaı qoldaý alǵan 16 jas kásipker medıtsınalyq maska tigip, eriktilerdiń kómegimen tegin taratýda. Olardyń qatarynda medıtsınalyq maskany ózderi daıyndaıtyn Isataı aýdanyndaǵy «Meıirim» eriktiler toby da bar. Sonymen birge, Janar Nurlybek bastaǵan eriktiler jalǵyzbasty qarııalarǵa tegin azyq-túlik sebetin jetkizýde.
«Atyraýda «Іsker ana» jobasy aıasynda 900-den astam ana tegin bilim aldy. Ulttyq oıýy bar maska tikken dızaıner Asyl Dúzbaevanyń bastamasyn isker analar ilip áketti. Qazir 14 atele medıtsınalyq maska tigýge jumyldy. Meje – kúnine 1000 maska tigý. Bul – úıde otyryp, is tigetin analarǵa qosymsha jumys», - dedi Áıgerim Dosqalıeva.
