Atyraý oblysynyń kásipkerleri 251 mln teńge shaǵyn kredıt aldy
ATYRAÝ. QazAqparat - Jappaı kásipkerlikti damytý baǵdarlamasy aıasynda atyraýlyqtar 251,3 mıllıon teńge kredıt aldy, dep habarlaıdy «QazAqparat» HAA tilshisi.
Elbasynyń áleýmettik jańǵyrýǵa baǵyttalǵan bes bastamasynyń tórtinshisi - shaǵyn kredıtti óristetý.
Ózin-ózi jumyspen qamtýshylar jáne jumyssyz turǵyndar arasynda jappaı kásipkerlikti damytý baǵdarlamasy aıasynda júrgizilgen sharalardyń eń tıimdisi - jeńildetilgen shaǵyn nesıeler berý.
Atyraý oblysynda osy baǵdarlama boıynsha qarjy úsh bankke: «Nurbank» AO - 51,53 mln teńge, «ATF Bank» AO - 21,53 mln teńge, DB AO «Sberbank» AO EB - 180 mln teńge salyndy.
Baǵdarlamany júzege asyrý bastalǵannan beri banktermen 251,3 mln teńge kóleminde 26 joba maquldanǵan»,-dep málim etti «Damý» oblystyq kásipkerlikti damý qory» fılıalynyń dırektory Aıman Sársenǵalıeva.
