Atyraý oblysynyń Qashaǵan ken ornynda 700 vahtashy daýys berdi

«Búgin tańerteń ken ornyna tikushaqpen eki saılaý komıssııasynyń múshesi jiberildi. Olar munaıdy jaǵaǵa joldaý úshin daıyndaý qurylǵysy ornalasqan «D» jasandy aralyna qondy.
Ázirge aralda bolǵan munaıshylar men qyzmet kórsetý kompanııalarynyń qyzmetkerleri daýys berdi. Tikushaq jaqyn ornalasqan birneshe usaq jasandy araldarǵa da ushyp bardy. Ol jerlerde birshama qazaqstandyq azamattar daýys berýge qatysa aldy. Qashaǵan ken ornynda saılaý kezinde teńizde bolǵan barlyǵy 700 qazaqstandyq azamattyq boryshyn óteı aldy», - dep habarlady oblystyq aýmaqtyq saılaý komıssııasynyń múshesi Ásııa Qystaýbaeva.