Atyraý oblysynyń Isataı aýdanynan koronavırýstyń jańa oshaǵy tabyldy
ATYRAÝ. QazAqparat – Atyraý oblysynda 22 adam koronavırýs juqtyrdy, dep habarlaıdy QazAqparat.
Óńirlik jedel shtabtyń habarlaýynsha, ótken táýlikte qaýipti ınfektsııa 22 adamnan tabylǵan.
«Naýqastardyń arasynda Teńiz kenishiniń 20 jumysshysy bar. Sondaı-aq, Isataı aýdanynyń turǵyndary – 37 jastaǵy jigit 12 jasar jasóspirimnen de anyqtaldy. Ekeýi de buryn aýyrǵan 62 jastaǵy áıelmen baılanysta bolǵan» -dep habarlady óńirlik jedel
shtabtan.
Shtabtyń málimetine súıensek, Isataı aýdanynan koronavırýs ınfektsııasynyń jańa oshaǵy anyqtalyp otyr. Qaýipti indet Mahambet, Inder, Qurmanǵazy jáne Jylyoı aýdandarynyń turǵyndarynan da tirkelýde.
Sońǵy táýliktegi derekterdi qosa eseptegende, Atyraýda koronavırýs ınfektsııasy anyqtalǵandar sany 879 adamǵa jetti. Saýyǵyp shyqqandar – 224 adam.
