Atyraý oblysynyń Inder aýdanyndaǵy tuzdy kól men jasandy karerler jabyldy
ATYRAÝ. QazAqparat – Atyraý oblysynyń Inder aýdanyndaǵy tuzdy kól men jasandy karerler jabyldy, dep habarlaıdy QazAqparat.
Bul kól aýdan ortalyǵy – Inderbor kentinen 12, al, «Inder-Qarabaý» tas jolynan 1,5 shaqyrym qashyqta ornalasqan.
Mamandardyń málimetinshe, kól jyl saıyn jer asty sýlarymen aǵyp keletin 1,5 mln tonna tuzdy eritindimen tolyǵady. Sý quramynda 22 túrli hımııalyq element bar. Tereńdigi 50 metrden asady. Jalpy aýmaǵy 110,5 sharshy shaqyrymdy, uzyndyǵy 40 kılometrdi quraıdy.
«Inder aýdanynyń bas memlekettik sanıtarııalyq dárigeriniń qaýlysyna sáıkes, demalýshylardyń shamadan tys jınalýyna baılanysty 28 shildede tuzdy kólge, sondaı-aq, jasandy karerlerge barýǵa tyıym salynǵan bolatyn. Qazir aýdanda epıdemıologııalyq ahýal kúrdelenip otyr. Sondyqtan, 3 tamyzdan bastap atalǵan jerler jabylyp, aýdandyq polıtsııa bólimi men mobıldik top músheleri turaqty túrde reıd júrgizedi» -dep habarlady aýdandyq ákimdikten.
Eske sala ketelik, budan buryn Atyraý oblysynyń ákimi turǵyndarǵa úndeý jasaǵan edi.
