Atyraý oblysynyń energetıka basqarmasy básekelestik talaptaryn buzǵan

ATYRAÝ. QazAqparat – Atyraý oblysy boıynsha energetıka jáne turǵyn úı-kommýnaldyq sharýashylyq basqarmasynyń memlekettik satyp alý kezindegi áreketi básekelestikti shekteýlerge alyp keldi. Bul týraly QazAqparat Básekelestikti qorǵaý jáne damytý agenttigine silteme jasap habarlaıdy.

Basqarmanyń básekelestikke qarsy áreketteri QR «Memlekettik satyp-alý týraly» Zańynyń 39-baby 3-bóligi 36-tarmaqshasyn negizsiz qoldaný arqyly 2020 jyly «Intergaz Ortalyq Azııa» AQ-men oblys aýmaǵyndaǵy gaz taratý qubyrlary men qurylystarǵa tehnıkalyq qyzmet kórsetý boıynsha bir kózden tikeleı shart jasaqtaý kezinde oryn aldy.

Bul rette, «Intergaz Ortalyq Azııa» AQ-y Qazaqstan Respýblıkasynyń zańnamalaryna sáıkes, magıstraldyq gaz qubyrlary boıynsha ulttyq operator retinde anyqtalǵan, al gaz taratý qubyrlary arqyly qyzmetterdi júzege asyrý básekeli orta bolyp tabylady.

Kodekstiń 199-babymen kózdelgen tártipte, Basqarmanyń meken-jaıyna áreketterinde (áreketsizdiginde) Qazaqstan Respýblıkasynyń básekelestikti qorǵaý salasyndaǵy zańnamasyn buzýshylyq belgileriniń bolýy týraly habarlama shyǵaryldy jáne Habarlama alynǵan kúnnen bastap 30 kúntizbelik kún ishinde oryndalýǵa jatady.