Atyraý oblysynyń emhanalary josparly qabyldaýdy toqtatty
ATYRAÝ. QazAqparat – Atyraý oblysynyń emhanalary josparly qabyldaýdy ýaqytsha toqtatty, dep habarlaıdy QazAqparat.
Oblystyq densaýlyq saqtaý basqarmasynyń málimetinshe, 16 tamyzda osyndaı sheshim qabyldanǵan.
«Óńirdegi turaqsyz epıdemıologııalyq jaǵdaıǵa baılanysty alǵashqy medıtsınalyq-sanıtarlyq kómek kórsetetin emhanalar, otbasylyq-dárigerlik ambýlatorııalar patsıentterdi josparly qabyldaýdy ýaqytsha toqtatty. Syrqaty bar adamdardy josparly qabyldaý – skrınıngter, medıtsınalyq tekserýler, dárigerlerdiń profılaktıkalyq tekserýler. Endi turǵyndar turaqty meken-jaıy boıynsha emhananyń tirkeý bólimine habarlasyp, medıtsına mamandarynan onlaın-formatta keńes alýyna bolady», - dep habarlady basqarmanyń baspasóz qyzmeti.
Dárigerge shuǵyl júginý shaqyrtýlaryn qabyldaý jalǵasýda. Emhanalardaǵy egý pýnktteri demalyssyz jumys isteı beredi.
Eske sala ketelik, buǵan deıin Atyraý oblysynda eki táýlikte 1 078 adam koronavırýs
juqtyrǵanyn habarlaǵan bolatynbyz.
