Atyraý oblysynyń eldi mekenderinde qar sýyn sorý jalǵasyp jatyr

ATYRAÝ. QazAqparat – Atyraý oblysyndaǵy Mııaly aýylynda qar sýyn sorý jalǵasyp jatyr, dep habarlaıdy QazAqparat.

Mııaly – Qyzylqoǵa aýdanynyń ortalyǵy. Bul aýylda qysta jaýǵan qar erip, kóshelerdi sý basý qaýpi týyndaǵan.

«Qazir aýa-raıynyń jylynýyna baılanysty qar erip jatyr. Osyǵan baılanysty eldi mekenderde sońǵy bir aptadan beri erigen qar sýyn sorý bastaldy. Bul jumys 1 naýryzda aýdan ortalyǵy – Mııaly aýylynda qaıta jalǵasty. Óıtkeni, aýyldaǵy A.Sálimgereev, M.Áýezov kósheleriniń boıynda jınalǵan erigen qar sýy 25-30 sm-ge kóterilgen. Sol kúni kúndizgi saǵat 16:35-ten keshki saǵat 20:45-ke deıin qar sýyn arnaıy tehnıkamen sorý jumysy júrgizildi. Bir kúnde 180 tekshe metr, ótken aptadan beri 1 210 tekshe metr sý soryldy», -dep habarlady oblystyq tótenshe jaǵdaılar departamentiniń baspasóz

qyzmeti.

Bul jumysqa aýdandyq tótenshe jaǵdaılar bólimi men jergilikti atqarýshy organnyń 10 qyzmetkeri tartylyp, 3 motopompa qoldanyldy.

Eske sala ketelik, buǵan deıin Atyraý oblysyndaǵy eldi mekenderdi sý basý qaýpi joǵyn

habarlaǵan bolatynbyz.