Atyraý oblysynyń eki aýdanynda 130 iri qara qyryldy, aımaqta 30 kún karantın
«Aýrýdyń dıagnozy zerthanalyq jolmen qoıyldy. Búgingi kúni Synamalar halyqaralyq epızootııalyq bıýroǵa notalyq aqparat jiberildi. Jergilikti atqarýshy organdardyń sheshimimen osy aýdandarǵa karantın engizildi. Barlyq jumystar, onyń ishinde dezınfektsııalyq, maldy emdeý sharalary júrgizilip jatyr. Osy sharalarǵa 1 mln 930 myń teńge jergilikti bıýdjetten bólindi. Qazirde aýyrǵan maldardyń ishinde 384 bas iri qara jazyldy. Ahýal turaqty baqylaýda. Eki aýdandy qosa alǵanda 130 iri qara qyrylǵan»,-dep málim etti T.Qabdoldanov.
Mamannyń sózine qarasaq, nodýlıarly dermatıtpen iri qara mal ǵana aýyrady. Bul aýrý qan sorǵyshtar tasymaldaıdy jáne bul indet sý kózderi ornalasqan aımaqtarda kezdesip otyr.
«Bul aýrý Reseı aýmaǵynda bıyl mamyr aıynda Krasnodar, Astrahan oblystarynda jáne Daǵystanda, Sheshenstanda tirkelgen. Jalpy, bul aýrýǵa qarsy vaktsına joq. Búginde aýrý malǵa antıbıotıkter egiledi, ol kómektesip jatyr»,-degen komıtet tóraǵasynyń orynbasary nodýlıarly dermatıtpen kúresýge sımptomatııalyq emdeýge arnalǵan veterınarııalyq preparattardy alýǵa jáne dezınfektsııalyq jumysqa jergilikti atqarýshy organnyń esebinen 1 mln 930 myń teńge bólingenin eske saldy.
Bul aýrý Qazaqstan aýmaǵynda osyǵan deıin tirkelmegen ekzotıkalyq aýrý. Osyǵan oraı Aýyl sharýashylyǵy mınıstrligi asa qaýipti aýrýlar tizimine qosýyn qarastyryp jatyr. Tizimge qosylǵan kezde nodýlıarly dermatıt aýrýyna shaldyqqan maldyń ıelerine ótemaqy berý múmkin bolady. Mal aýrýy adamdarǵa juqpaıdy jáne ol kóbinesi iri qaranyń terisin zaqymdaıdy. Qazir mal ıelerine ótemaqy tóleý máselesi qaralyp jatyr.