Atyraý oblysynyń Dossor kentinde jeke turǵyn úı túgi qalmaı janyp ketti
ATYRAÝ. QazAqparat – Atyraý oblysynyń Dossor kentinde jeke turǵyn úı órtendi, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń málimetine qaraǵanda, órt búgin, 18 jeltoqsanda bolǵan.
«Departamenttiń kezekshi bólimine saǵat 11:10 kezinde Dossor kentiniń Isanov kóshesinde ornalasqan jeke úı órtenip jatqany týraly habar tústi. Oqıǵa ornyna jetken órt sóndirýshiler turǵyn úıdiń tóbe jabyndysynyń jáne ishki bólmeleriniń janyp jatqanyn anyqtady. Órt saǵat 12:49-da oqshaýlanyp, saǵat 13:56-da sóndirildi», -dep habarlady departamenttiń baspasóz qyzmeti.
Jalyndy sóndirýge №8 órt sóndirý bólimi men «Semser órt sóndirýshi» mekemesinen 8 qyzmetker men 2 tehnıka jumyldyryldy.
Zardap shekkender joq. Órttiń shyǵý sebebi anyqtalyp jatyr.
Eske sala ketelik, buǵan deıin atyraýlyq úsh qorǵaýshy jigit «Erligi úshin» medalimen marapattalǵanyn habarlaǵan edik.
