Atyraý oblysynyń dárihanalaryna shekti baǵalar kórsetilgen aqparat ilindi
ATYRAÝ. QazAqparat –Atyraý oblysynyń dárihanalarynda dári-dármektiń shekti baǵasy kórsetilgen aqparat qaǵazdary ilindi, dep habarlaıdy QazAqparat.
Atyraý oblysynyń Sybaılas jemqorlyqqa qarsy qyzmeti dári-dármekterdiń baǵasynyń negizsiz ósýine jol bermeý úshin arnaıy afıshalardy ornalastyra bastady. Dárilik zattar men medıtsınalyq buıymdardyń shekti bólshek baǵalary kórsetilgen aqparattyq materıaldar óńirdegi barlyq dárihanaǵa taratylyp jatyr.
«Plakattarda paratsetamol, atsetılsalıtsıl qyshqyly, ıngavırın, antıgrıppın, aspırın kardıo syndy preparattardyń 5 túri kórsetilgen. Dári-dármekter ataýlarynyń janynda baǵalary men óndirýshi kórsetilgen. Sondaı-aq, Densaýlyq saqtaý mınıstri bekitken dári-dármekterdiń jańartylǵan tolyq tizbesine silteme jasaı otyryp, QR-kod ornalastyrylǵan. Óıtkeni, dárihanadaǵy belgili bir preparattyń shekti baǵasyn bilý úshin plakattarda kórsetilgen QR-kodty engizý jetkilikti bolady. Sondaı-aq, departament kún saıyn «Atyraý – adaldyq alańy» jobalyq keńsesimen birlesip, vırýsqa qarsy dári-dármekterdiń baǵasyna qoǵamdyq monıtorıng júrgizýde» - dep habarlady oblystyń sybaılas jemqorlyqqa qarsy qyzmeti basshysynyń birinshi orynbasary A.Mamyt.
Sondaı-aq aqparat paraqshalarynda baǵa negizsiz kóterilgen jaǵdaıda shaǵymdanýǵa bolatyn telefon nómirleri kórsetilgen.
Sybaılas jemqorlyqqa qarsy qyzmet ókilderiniń aıtýynsha, oblysta aqparattyq betshelerdi ornalastyrý ótken aptadan bastalǵan.
Eske sala ketelik, Atyraý oblysynda shekteý sharalary 31 tamyzǵa deıin uzartyldy.
