Atyraý oblysynyń burynǵy ákimine qatysty sot otyrysy ótedi
ATYRAÝ. QazAqparat - Búgin Atyraý qalasynda oblystyń burynǵy ákimi Bergeı Rysqalıev pen oǵan qarsy qozǵalǵan qylmystyq istiń basqa da qatysýshylaryna qatysty sot otyrysy bastalady, dep habarlady «QazAqparat» HAA tilshisi.
«Atyraý oblysynyń qylmystyq ister jónindegi mamandandyrylǵan aýdanaralyq sotynda 18 qazan kúni saǵat 09:30-da Atyraý oblysynyń burynǵy ákimi B.Rysqalıev pen QR Qylmystyq kodeksiniń birneshe baby boıynsha (eski redaktsııada) aıyptalyp otyrǵan 8 sottalýshyǵa qatysty basty sot qaraýy bolyp ótedi. Qylmystyq is 754 tomnan turady. 2018 jyldyń 3 qazanynda bul is boıynsha aldyn ala tyńdaý ótken. Sottalýshylardyń oǵan kelmeýine baılanysty, is syrttaı tártipte qarastyrylady», - dep habarlady oblystyq sottyń baspasóz qyzmetinen.
Belgili bolǵandaı, sotqa kelmegen sottalýshylarǵa QPK 67-babyna sáıkes qorǵaýshylar S. Júnisbekov, G. Nazarbek, A. Esbosyn, A. Qosymbaev taǵaıyndaldy.
