Atyraý oblysynyń aýdıtorlary qarjylyq tártipti jaqsartýǵa shaqyrady
ATYRAÝ. QazAqparat - Atyraý oblysynyń aýdıtorlary qarjylyq tártipti jaqsartýǵa shaqyrady, dep habarlaıdy QazAqparat tilshisi.
Qarjylyq tártipti jaqsartý jáne aýdıtorlyq is-sharalar sheńberinde anyqtalǵan zań buzýshylyqtardy boldyrmaý maqsatynda Atyraý oblysy boıynsha aýdıt komıssııasynyń músheleri memlekettik qurylymdardyń basshylary jáne esepshilerimen túsindirý jumystaryn júrgizdi.
«Bizdiń mindetimiz ótken kezeńdegi zań buzýshylyqtardy anyqtap ǵana qoımaı, onyń sebepterin aıqyndaý jáne ýaqytyly jaýap berý bolyp tabylady. Sonymen qatar, kóptegen basqarylatyn obektilerde júıeli sıpatqa ıe bir tıpti zań buzýshylyqtar bar. Atap aıtqanda, bıýdjettik, sáýlet-qurylys, salyq zańnamasynyń normalaryn, memlekettik satyp alýlardyń erejelerin, jalaqyny jáne bonýstardy jáne t.b. buzý. Munyń sebepteri esepshilerdiń biliktiligin arttyrý kýrstarynyń keshiktirilýinde, sondaı-aq kásibı daıarlyq deńgeıiniń tómendigi», - dedi Atyraý oblysy boıynsha Revızııalyq komıssııanyń tóraǵasy Rýslan Bektemir.
Joǵaryda aıtylǵan buzýshylyqtardyń barlyǵy birinshi basshylardan, qarjy qyzmetteriniń álsireýi nemese jetkiliksiz baqylaýy arqyly jol beriledi.
Semınar barysynda revızııa komıssııa músheleri memlekettik organdardyń basshylary men esepshilerimen kezdesip, ashyq dıalog júrgizildi. Bıýdjettik baǵdarlamalardyń ákimshileri ózderiniń kúndelikti jumystaryndaǵy máselelerdi talqylady.
Atyraý oblysy boıynsha Revızııalyq komıssııanyń tóraǵasy Rýslan Bektemirdiń málim etýinshe, qarjy salasyndaǵy qyzmetkerler tarapynan jasalatyn buzýshylyqtardy joıý jáne olardyń aldyn alý joldaryn anyqtaý qajet.
Onyń aıtýynsha, búgingi tańda qarjy tártip salasyndaǵy buzýshylyqtardyń tómendeýi baıqalady.
Kezdesýge qatysqan memlekettik organdardyń basshylary men esepshiler kóptegen máseleler boıynsha qajetti aqparattar men keńester aldy. Kezdesýge qatysýshylar memlekettik uıymdar men kásiporyndardyń qarjy sektoryn jetildirý baǵytynda birqatar usynystary talqylady.
