Atyraý oblysynyń aýdandyq sotynyń atynan jalǵan paraqsha ashyldy
ATYRAÝ. QazAqparat - Isataı aýdandyq sotynyń is-qaǵaz júrgizý meńgerýshisi Láıla Haırýllına atynan ǵalamtorda ashylǵan jalǵan paraqsha atyraýlyq sottardy ábigerge túsirdi, dep habarlaıdy QazAqparat.
«Belgisiz bireý Isataı aýdandyq sotynyń is-qaǵaz júrgizý meńgerýshisi Láıla Haırýllına atynan ǵalamtorda aǵylshynsha jalǵan paraqsha ashqan. Ol qazaqsha shyndyqqa saı emes aqparattar taratyp, Joǵarǵy Sottyń tóraǵasy, Bas prokýror, sottardyń jumystaryna qatysty túsinikteme berip sot júıesiniń bedeline nuqsan keltirgen. Paraqsha anyqtalǵannan keıin bul jaıynda Atyraý oblysy boıynsha UQK departamentine habarlandy.
Isataı aýdandyq ІІB tergeýshisiniń qaýlysy boıynsha QR QK 274 babynyń 2 tarmaqshasymen «buqaralyq aqparat quralyn paıdalana otyryp qoǵamdyq tártipti buzý qaýpin tóndiretin kórineý jalǵan aqparat taratý» boıynsha qylmystyq is qozǵaldy», - dep habarlady Atyraý oblystyq sottar ákimshiliginiń jetekshisi Gúljan Jumaǵalıeva.
Qazir tergeý júrgizilýde. Alaıda jalǵan paraqsha ázirge buǵattalmaǵan. L. Haırýllına jeke paraqsha ashyp onda óz atynan aǵylshynsha ashylǵan paraqshanyń jalǵan ekendigin málimdedi.
