Atyraý oblysynyń Astanadaǵy mədenı kúnderi aıasynda at jarysy bolady

ASTANA. QazAqparat - Atyraý oblysynyń Astanadaǵy mədenıet kúnderi aıasynda "Qazanat" ıppodromynda at jarysy ótedi, - dep habarlaıdy Atyraý oblysy óńirlik kommýnıkatsııa qyzmeti.

Bəıgege ər oblystan jəne Astana men Almaty qalalarynan úsh tulpardan qatysady. Atyraý oblysy týrnır ıesi bolǵandyqtan bes səıgúlikti jarysqa shyǵarady.

Qatysýshylar úsh qashyqtyq boıynsha synǵa túsedi: Jorǵa bəıge - 5 km, Qunan bəıge - 7 km, Alaman bəıge - 21 km.

Sharanyń saltanatty ashylýyna Atyraý delegatsııasynyń basshylary, at sporty boıynsha ulttyq quramanyń músheleri,  qazaq kúresi, toǵyzqumalaq, asyq oıyndaryna qatysýshy sportshylar qatysady. Búrkitshiler qustarymen, ańshylar tazy, tóbetterimen keledi. "Nomad" teatrlandyrylǵan kórinisi sharanyń shyraıyn ashady.  Kórermender kaskaderlerdiń ónerin tamashalap, qyz qýý, sadaq atý, at bəıgesi syndy ulttyq jarystardy kóre alady.

Baǵdarlama:

18:00  - At jarysynyń saltanatty ashylýy

18:30 - 18:45 - 5 shaqyrymǵa Jorǵa bəıge

18:45 - 19:00 -  7 shaqyrym Qunan bəıge

19:00 - 19:50  - 21 shaqyrym Alaman bəıge

20:00 - 20:20 - Jeńimpazdardy marapattaý.

At bəıgesiniń júldegerlerin Atyraý oblystyq əkimdigi men uıymdastyrý alqasynyń syılyqtary - medaldar, dıplomdar men aqshalaı syılyqtar kútedi.