Atyraý oblysynyń Aqqala aýylynda jańa mektep salyndy
ATYRAÝ. QazAqparat - Atyraý oblysynyń Aqqala aýylynda jańa mektep salyndy, dep habarlaıdy «QazAqparat» HAA.
«Men Aqqala aýylynyń turǵyndaryn osyndaı keremet mekteptiń ashylýymen quttyqtaımyn. Balalarǵa oqýlary qyzyqty jáne olardyń úlgerimderi jaqsy bolsyn dep tileımin»,-dedi Atyraý oblysy ákiminiń orynbasary Álibek Naýtıev mekteptiń resmı ashylý rásiminde.
Mektep eki qabatty jáne ol 1,44 ga aımaqty alyp jatyr. Mekteptegi barlyq kabınetter ınteraktıvti taqtalarmen jabdyqtalǵan, lıngafon kabınetteri, kompıýter synyptary da bar. Fızıka, bıologııa jáne hımııa pánderiniń kabınetteri oqý-zerthanalyq qurylǵylarmen jabdyqtalǵan. Mektepte oqý-ádistemelikter men ózge de qajettilikter bar.
Onda balalar sport alańdary men júgirýge arnalǵan jolaqtardy paıdalana alady. Olar arnaıy qaýipsiz rezınadan jasalǵan jáne jaraqat alýdan saqtaıdy. Sport oıyndaryna arnalǵan alańdarǵa jasandy kógaldar tóselgen. Onda fýtbol oınaýǵa bolady.
