Atyraý oblysynyń ákimi jurtshylyqty Kórisý kúnimen quttyqtady

ATYRAÝ. QazAqparat –Atyraý oblysynyń ákimi Mahambet Dosmuhambetov jurtshylyqty Kórisý kúnimen quttyqtady, dep habarlaıdy QazAqparat.

Bul týraly oblys ákimi Facebook -tegi paraqshasynda jazdy.

Ákimniń aıtýynsha, bıyl qaýipsizdik maqsatynda buqaralyq sıpatta toılaýǵa toqtaý salynǵanymen, «Amal» dep te atalatyn bul kúnniń taǵylymdyq máni bar.

«Bul kúni qytymyr qystan shyqqan oıdaǵy el men qyrdaǵy el amandyq-saýlyq surasyp, qushaq aıqastyrady. Aǵaıyn aq dastarhan basyna alqa-qotan otyrysyp, arqasy keńip, aǵynan jarylady. Ótkenge salaýat aıtylyp, bolashaqqa baǵdar túziledi.

Bul kúni úlkenge qurmet, kishige izet kórsetiledi. Ulttyń salt-sanasy jańǵyryp, Ulystyń birligi bekemdeledi. Burynǵy ókpe-renish umytylyp, kirbiń ketip, kóńilderdiń jańa paraǵy ashylady» -dep jazdy oblys ákimi Facebook-tegi paraqshasynda.