Atyraý oblysynyń ákimi jas shahmatshylardy qoldaýǵa shaqyrdy
ASTANA-ATYRAÝ. QazAqparat - Atyraý oblysynyń ákimi Nurlan Noǵaev Dınara Sádýaqasovanyń shahmat akademııasyn ashý týraly jobasyna qoldaý bildiretinin aıtty, dep habarlaıdy QazAqparat tilshisi.
«Jýyqta Dınara Atyraýda jáne aýdandarda bir mezgilde shahmat matchtaryn ótkizdi. Biz óz tarapymyzdan oǵan jan-jaqty demeý berip, qajetti ǵımarat usyna otyryp óńirdegi shahmattyń damýyna qoldaý bildiremiz. Men ol qyzdyń anasymen kezdestim. Dınaranyń aıtýynsha, óńirdegi talantty jas shahmatshylar bar. Eń bastysy, nıet pen jiger bolsa boldy»,-dedi ákim.
Nurlan Noǵaevtyń pikirinshe, keleshekte myqty shahmatshylar shyǵarý úshin sporttyń bul túrine qoldaý kórsetý kerek.
