Atyraý oblysynyń ákimi syrqat balaǵa kómektesýge ýáde berdi

ATYRAÝ. QazAqparat – Atyraý oblysynyń ákimi Mahambet Dosmuhambetov turǵyndar aldynda esep berý kezinde syrqat balaǵa kómektesýge ýáde berdi, dep habarlaıdy QazAqparat.

Islam esimdi 10 jastaǵy syrqat bala oblys ákiminiń esebine anasymen birge keldi. Aldymen, Islam óziniń derti týraly aıta bastap, biraq, oıyn tolyq jetkize almady. Onyń anasy Aınur Ǵabdýllınanyń aıtýynsha, balasyna perzenthanadan arnaıy dıagnoz qoıylǵan. Alaıda, on jyldan beri Almatydaǵy medıtsınalyq ortalyqtarda emdelgenimen, shıpasy tabylar emes. Sol sebepten, anasy endi balasyn shetelde emdetýge kómek surady.

Oblys ákimi Mahambet Dosmuhambetov kópshiliktiń aldynda Islamnyń emdelýine kómektesýge ýáde berdi. Ákim Islamǵa kómek berýdiń tetigin pysyqtaý úshin onyń anasyn búgin tús qaıta ótetin jeke qabyldaýyna shaqyrdy.

Joldasbek Kósherbaıuly