Atyraý oblysynyń ákimi shaǵymdarǵa ýaqtyly jaýap berýdi tapsyrdy
Óńir basshysy Nurlan Noǵaevtyń tóraǵalyǵymen ótken otyrystyń kún tártibinde sybaılas jemqorlyqqa qarsy is-qımyl jáne Memqyzmetshilerdiń ádep kodeksiniń saqtalýyn qamtamasyz etý sharalary talqylandy.
Atyraý oblysy boıynsha Memlekettik kirister departamentiniń basshysy Erlan Janbaev jáne Quqyqtyq statıstıka jáne arnaıy esepke alý komıteti departamentiniń bastyǵy Nurlan Ahmetbaev aımaq basshysyna esep berdi.
E.Janbaevtyń aıtýynsha, jemqorlyqtyń aldyn alý sharalarynyń biri memlekettik qyzmetterdi tsıfrlandyrý.
«Tsıfrlandyrýdy engizýge erekshe nazar aýdarylady. Qazirgi ýaqytta memlekettik kiris organdary memqyzmettiń 48 túrin usynyp otyr. 26 qyzmet túri «Azamattarǵa arnalǵan úkimet» memlekettik korporatsııa arqyly júzege asyrylady. Sonymen qatar qaǵaz túrinde usynylatyn 14 memlekettik qyzmetti elektrondyq formatqa aýdarý boıynsha jumystar júrgizilýde», - dedi Atyraý oblysy boıynsha Memlekettik kirister departamentiniń bastyǵy Erlan Janbaev.
Óz kezeginde aımaq basshysy memlekettik kiris organdarynyń atqarǵan jumysyna oń baǵa berip, óńirde memorgandar men halyq arasynda tikeleı baılanys ornatý boıynsha aýqymdy jumystar júrgizilip jatqanyn atap ótti.
«Elbasynyń tapsyrmasy boıynsha, memlekettik organdardyń jurtshylyqpen keri baılanys ornatý jumysy júrgizilýde jáne barlyq deńgeıdegi basshylar azamattardyń jeke qabyldaýlaryn ótkizip keledi. Sonymen qatar áleýmettik jelilerde Telegram jáne ACQ qosymshasy belsendi jumys isteýde.Olardyń árqaısysynda 3000-3500 adam tirkelgen. Barlyq ótinishter jan-jaqty qarastyrylyp, keıin halyqpen tikeleı baılanys ornatylady»,- dedi aımaq basshysy Nurlan Noǵaev.
Atyraý oblysynyń ákimi barlyq memlekettik organdardyń basshylaryna halyqtyń shaǵymdary men ótinishterine ýaqtyly jaýap berýdi, usynylatyn memlekettik qyzmetterdiń sapasyn kún saıyn arttyrýdy tapsyrdy.