Atyraý oblysynyń ákimi Roza Rymbaevaǵa dombyra syılady
ASTANA. QazAqparat - Atyraý oblysynyń ákimi Nurlan Noǵaev Qazaqstannyń xalyq ártisi Roza Rymbaevaǵa ánshiniń saxnada júrgenine 40 jyl tolýyna oraı ótken keshte dombyra syılady, dep habarlaıdy «QazAqparat» HAA tilshisi.
Kontsert Mahambet Ótemisov atyndaǵy oblystyq drama teatrynda ótip, ánshiniń sahnadaǵy 40 jyldyq mereıtoıyna arnaldy.
"Kezinde teledıdar arqyly sizdiń oryndaýyńyzdaǵy belgili «Álııa» ánin tyńdaıtynbyz. Sol kezderde-aq halyqtyń súıikti ánshisine aınaldyńyz. Odan beri talaı ýaqyt ótse de, áli kúnge deıin tyńdarmandaryńyzdyń ystyq yqylasyna bólenip kelesiz. Siz únemi Atyraý jerinde týǵan Qurmanǵazy men Dınanyń esimderin ulyqtaýmen kelesiz. Osy mereıli merekeńiz qarsańynda Atyraý jurtshylyǵy atynan sizge myna kıeli dombyrany syıǵa tartamyz", - dedi aımaq basshysy.
Roza Rymbaeva eki saǵattan astam ýaqytqa sozylǵan kontsertti tapjylmaı tamashalaǵan kórermenge, kórsetilgen qurmetke alǵysyn bildirdi.
Aıta keteıik, byltyr Atyraýdaǵy xalyq shyǵarmashylyq ortalyǵynda ánshiniń sheberlik synyby ashylǵan edi. Bıyl ekinshi jyl qatarynan aımaqta Roza Rymbaeva ánderiniń festıvali ótkizilip keledi.
Óner toıyna qala jáne aýdan ákimderi, oblystyń qurmetti azamattary men eńbek ardagerleri de keldi.
