Atyraý oblysynyń ákimi ortalyq alańǵa jınalǵan halyqpen kezdesti
ATYRAÝ. QazAqparat – Atyraý oblysynyń ákimi Mahambet Dosmuhambetov Jańaózen qalasy turǵyndarynyń suıytylǵan gaz baǵasyn tómendetýge baılanysty usynysyn qoldap alańǵa shyqqan halyqpen kezdesti, dep habarlaıdy QazAqparat.
Atyraýdyń bir top turǵyny 4 qańtarda oblys ortalyǵyndaǵy «Isataı-Mahambet» ortalyq alańyna jınaldy.
Turǵyndar jergilikti atqarýshy bılik ókilderine birneshe saýal qoıdy.
Oblys ákimi Mahambet Dosmuhambetov Memleket basshysynyń tapsyrmasyna sáıkes Jańaózendegi ekonomıkalyq jaǵdaıdy qaraý jónindegi Úkimet komıssııasynyń otyrysy ótkenin málim etti.
Úkimet komıssııasy Premer-Mınıstr Asqar Mamınniń ókimimen qurylǵan.
Sondaı-aq, Úkimettiń suıytylǵan gaz baǵasyn retteý maqsatynda qabyldaǵan sharalaryn túsindirdi.
Óńir basshysy oblys turǵyndarynyń usynystaryn tyńdap, olardyń tarapynan qoıylǵan saýaldarǵa jaýap berdi.
