Atyraý oblysynyń ákimi múgedekter ókilin keńesshi qyzmetine aldy

ATYRAÝ. QazAqparat –Atyraý oblysynyń ákimi Mahambet Dosmuhambetov «Múgedekter álemi» úkimettik emes uıymynyń jetekshisi Gúlbarshyn Nurjigitovany ózine keńesshi qyzmetine aldy. Ol bul sheshimin turǵyndar aldynda esep berý kezinde jarııa etti, dep habarlaıdy QazAqparat.

Oblys ákiminiń esebine kelgen múmkindigi shekteýli jandar ózderiniń problemalaryn kóbirek ortaǵa saldy. Solardyń biri oblys ákimine múgedekter ókilin keńesshi etip alýdy usyndy.

«Usynys óte oryndy. Múmkindigi shekteýli jandardyń júrip-turýyna jaǵdaı jasaý, qolaıly orta qalyptastyrý, ómir súrý sapasyn jaqsartý – bizdiń basty ustanymymyz. Osy máselemen aınalysyp júrgen Gúlbarshyn Nurjigitovany biletin bolarsyzdar. Ol maǵan keńesshi bolýǵa kelisimin berdi» -dedi turǵynnyń saýalyna oraı oblys ákimi Mahambet Dosmuhambetov.

Joldasbek Kósherbaıuly