Atyraý oblysynyń ákimi Maxambet aýdanynyń jastarymen kezdesti

ATYRAÝ. QazAqparat -Atyraý oblysynyń ákimi Nurlan Noǵaev Maxambet aýdanyna barǵan issapary barysynda birqatar nysandardy aralap «Nur Otan» partııasynyń aýdandyq fılıalynda qoǵamdyq qabyldaý ótkizdi, dep xabarlaıdy QazAqparat óńirlik kommýnıkatsııalar qyzmetine silteme jasap.

Aımaq basshysy aldymen Maxambet aýdanyndaǵy 250 oryndyq aýdandyq aýrýxanaǵa taban tiredi. Aýrýhana ǵımaraty 2001 jyly paıdalanýǵa berilgen. Nysannyń birinshi qabatynda ishki irketas quıylmalarynyń otyrýyna baılanysty ǵımarattyń qabyrǵalary jarylǵan bolatyn, osyǵan oraı 2018 jyly aýrýhana ǵımaraty kúrdeli jóndeýden ótkizilgen bolatyn.

Odan keıin oblys basshysy aýdandyq jastar resýrstyq ortalyǵynyń ǵımaratyna kelip jastardyń atqarǵan jumystarymen tanysyp, jastarmen erkin taqyrypta kezdesý ótkizdi. Mekeme 2013 jyly paıdalanýǵa berilgen. Negizgi baǵyty - jastardy sportqa ónerge baýlý. Búginde Mahambet aýdanynda 14-29 jas aralyǵyndaǵy jastardyń sany - 7667. Bıylǵy jyl jastar jyly dep jarııalanyp, óńirde jastar bastamalaryn damytý úshin barlyq jaǵdaı jasalyp otyr.

«Búgingi kúni elimizde jastardy qoldaýdyń barlyq múmkindikteri bar. Bul jumys turaqty túrde júrgiziledi. Prezıdenttiń dana jáne teńdestirilgen saıasatynyń arqasynda sizder ósim men damý úshin keremet múmkindikterge ıe boldyńyzdar. Sizderdiń árqaısyńyz úshin bul - usynystaryńyzdy ilgeri jyljytý, jobalardy júzege asyrý, jańa ıdeıalardy kórsetý múmkindigi», - dedi Nurlan Noǵaev.

Keıin oblys ákimi Nurlan Noǵaev «Nur Otan» partııasy Mahambet aýdandyq fılıalynda qoǵamdyq qabyldaý ótkizdi, kelgen barlyq arys-shaǵymdanýshylardy tyńdap máselelerin sheshý maqsatynda birqatar memlekettik mekemeler basshylaryna naqty tapsyrmalar berdi.